d’Aſope. Les autres ont creu que la mere de Saturne ne luy donna pas cette faulx, mais que Telchyn, l’un des fils du Soleil & de Minerue, vint de Candie à Rhodes paſſant par Cypre, & que là il mit en œuure du fer & du cuiure dont il forgea cette faulx à Saturne, comme eſcrit Strabon au 14. de ſa Geographie. La plus verittable opinion eſt de ceux qui diſent que cette Iſle a eſté dicte Drepan, pource que les flots de la mer battans continuellement l’Iſle auec graude impetuoſité, ont ſi bien rongé & miné la terre, qu’ils l’ont creuſee en façon d’vne faulx. Saturne luxurieux Voyez
li.
4.
c.
12.
Saturne fut fort enclin à luxure & actes veneriens : c’eſt pourquoy l’on en fait ce conte, qu’aimant Philyre fille de l’Ocean, comme il eſtoit en la iouyſſance de ſes amours, Ops ſuruenant le prit ſur le faict : mais de honte qu’il en eut, il ſe transforma en Cheual, afin de cacher ſes amours ſous telle forme. Ce que montre Virgile au 3. des Georgiques :
Tel Saturne leger ſa criniere eſpandoit Sur ſon col cheualin, ſurpris par la venuë De Rhee, et s’enfuyant, Pelion touche-nuë
D’vn clair
henniſſement
tout retentir faiſoit.
Cruauté de Saturne.On luy preſentoit en ſacrifice des creatures humaines, voire meſme quelques-vns luy ſacrifioient de leurs propres enfans, comme teſmoigne Platon en Minos. Cette ceremonie dura en Italie iuſqu’à tant qu’Hercule y paſſa ; ce qui ſe faiſoit à l’imitation de Saturne, afin qu’il ne ſemblaſt qu’il euſt ſeul eſté cruel, taſchant à faire mourir tous ſes enfans.
L’autel de Saturne auoit touſiours des cierges allumez, pource qu’il auoit eſté comme la lumiere de la vie humaine, laquelle il auoit ramenee des tenebres, & de l’ignorance, à la cognoiſſance des arts & ſciences. Quand les Romains ſolemniſoient les Saturnales en l’honneur de ce Dieu, les maiſtres ſeruoient les ſeruiteurs, en memoire de cette ancienne liberté de tout le monde qui fut ſous ſon regne, lors que perſonne ne ſeruoit à autruy. Etymologie de Saturne ridicule.Ceux qui veulent que les Latins ayent nommé Saturne de ces deux mots, Satur annis, hé combien ſont-ils ridicules ? Car celuy que les Latins auront nommé comme Saoul d’annees (c’eſt ce que ſignifient les mots Latins) ſera-ce luy meſme que les Grecs appellent krónos, ou bien vn autre ? Cette etymologie eſt de mauuaiſe grace : ou bien ie voudrois que ces gentils interpretes de noms me diſſent, puis-que krónos, vien de koreìn, c’eſt à dire, ſaouler ; s’ils eſtiment qu’il faille en la compoſition de ce nom adiouſter ſur la fin cette diction ónos, qui ſignifie aſne. Si l’on ne l’y adiouſte, il ſemblera que ſon nom Latin ſoit plus ancien que le Grec, ce qui eſt faux. Si on l’y adiouſte, il ſignifiera que Saturne ſe ſaoule d’aſnes ; & qu’y a-il de plus ridicule que cette etymologie ? Ce nom eſt Cimbrique ; & vaut autant comme grande &