Qui des fruits de Bacchus richement ſe foiſonne, Et d’une pluye à gré Iupiter l’aſſaiſonne.
Car beaucoup de gens penſent que le premier bled qu’on a cueilli ait eſté trouué en Sicile : & ce qui l’a faict ainſi croire, c’eſt qu’en vne plaine de ce Royaume, nommee Leonce, croiſſoit du bled ſauuage ſans ſemer. Voyez
liu.
3.
cha.
16.On dit que Proſerpine fut rauie prés d’Enna ville de Sicile, en certaine prairie où les violettes & pluſieurs autres fleurs de bonne odeur venoient d’elles meſmes, qui en tout temps y flairoient ſi bon, qu’elles empeſchoient le nez des chiens chaſſans de ſentir le gibbier. Cette prairie eſt plaine & vnie au milieu, & tout autour s’eſleuent des coutaux plaiſans : de facon qu’à bon droit l’appelle-on le nombril de l’iſle. Elle eſt enuironnee de fontaines, ruiſſeaux, bois & vergers, où y a vn mareſts & vne cauerne auprés aſſez grande, auec vn gouffre ſouſterain, par où l’on dit que paſſa le chariot de Pluton emmenant Proſerpine. Mais pourquoy eſt-ce que Iupiter chaſſa Saturne de ſon Royaume ; pourquoy l’enchaina-il ? pourquoy l’enuoya-il au Tartare ? Saturne pourquoy chaſsé, enchainé & empriſonné par ſon fils.Parce que les corps d’en-haut & celeſtes, qui ſont par deſſus les elemens & les ſimples corps, fourniſſent de force & de vigueur aux corps inferieurs, qui ſont ſous eux, & ſubjets à changement, eſtant eux exempts de vieilleſſe, trauail & mutation, ſelon l’opinon des Peripateticiens. Ils ont donc appelé Tartare ce lieu bas, ſubiet à corruption & perturbation. Voila comme quoy Iupiter, & auſſi ſes freres ſe deliurerent de la cruauté de Saturne : ſes freres ſont les elemens, deſquels encore que chaſque partie ſe puiſſe corrompre, ſi ne peuuent-ils perir tous en bloc. Saturne planete tardiue & peſante.Toutesfois Lucian au dialogue de l’Aſtrologie eſcrit que la Fable diſant que Saturne fut ainſi garotté, vint de ce que cette Planete eſt d’vn mouuement tardif & peſant, & que iamais Saturne ne fut lié, ny ietté au Tartare : qui a donné lieu à la meſme Fable, à cauſe de beaucoup de tournoyemens & varietez qui ſuruiennent en ſon mouuement. Et parce qu’on ne le peut voir qu’auec peine, cela fit dire qu’on l’auoit enfondré au Tartare ſous terre, laquelle tardifueté, peſanteur & varieté de mouuement, Virgile exprime en vn vers au premier des
Georg.
Où ſe ſauue la froide eſtoille de Saturne.
L’Italie fut du nom de Saturne nommee Saturnie, & creut-on qu’elle luy fut conſacree à cauſe de beaucoup de biens & bons offices qu’il auoit faits aux Italiens, comme dit Denys
Halycarn.
au 1.
liu.
Et ne faut s’eſtonner
(dit-il) ſi les Anciens ont creu que cette prouince fuſt ſacrée à Saturne, veu qu’ils ont tenu ce Demon pour eſtre autheur aux hommes et pouruoyeur de tous biens, de tout bon-heur et proſperité, Diuers noms de l’eſprit diuin.ſoit qu’il le faille nommer Crone, ou Temps, comme eſtiment les Grecs, ou Saturne, comme les Romains. Quelque nom qu’on luy donne, il comprend & embraſſe la nature de tout cet Vniuers.
L’eſcole de Platon,