De Iunon.
CHAPITRE V.
Genealogie de Iunon.NOVS auons cy-deſſus mis Iunon entre les enfans de Saturne. Car on nous fait accroire qu’il n’eut que deux filles, Glauque & Iunon. La capitulation de Saturne auec les Titans portoit (comme nous auons dit) qu’il feroit mourir tous les hoirs maſles qui luy
naiſtroiẽt
: mais il luy eſtoit permis de nourrir ſes filles,
cõme
ſexe non capable de la
Courõne
. Naiſſance de Iunon.Or Iupiter & Iunon nais d’vne meſme ventree, les Corybantes emporterent ſecrettement Iupiter en Candie : & Iunon fut preſentee à Saturne
cõme
nee toute ſeule ; ce qu’il creut. Quant au lieu de ſa naiſſance, l’on n’en trouue rien de certain, les vns la diſans nee çà, les autres là. Strabon au 9.
liu.
dit qu’elle naſquit à Argos, dont elle eſt ſouuent
nõmee
Argiue. Homere eſt de cet aduis au 4. de l’Iliade, & en pluſieurs autres paſſages, eſquels il la qualifie de ce ſurnom. Toutesfois Pauſanias en l’eſtat d’Achaie eſcrit qu’elle eſtoit de Samos, & que les Samiens mainte-