au 2. liure de ſes transformations. Lucian aux dialogues des morts eſcrit que Iupiter ſuiuit en cela la couſtume des Perſes & des Aſſyriens, qui prenoient à femmes meſmes leurs plus proches parentes. Depuis elle fut commiſe ſur les mariages : & quand on luy ſacrifioit deuant les nopces, on iettoit derriere l’autel le fiel des offrandes. Enfans de Iunon.Elle engendra Mars, Argé, Illithye, & Hebé, ſelon le teſmoignage de Pauſanias en l’Eſtat de Corinthe. Vulcan conceu & enfanté ſans operation d’
hõme
.Et Lucian és ſuſdits Dialogues dit que ſans compagnie d’aucun maſle elle conceut en meſme inſtant, & enfanta Vulcan, comme nous dirons en ſon lieu. On conte dauantage, qu’en Argos y auoit vne fontaine, nommee Canatho, en laquelle Iunon ſe lauant tous les ans, recouuroit ſa virginité. Ce propos vient de certaines ſolemnitez & myſteres qu’ils
celebroiẽt
entre-eux auec beaucoup de deuotion & de ceremonies, comme dit Lyſimache Alexandrin, au 13. liure de l’Eſtat de Thebes, & Pauſanias en celuy de Corinthe. Aſtuce de Iupiter pour rentrer en grace auec Iunon.On dit auſſi que Iunon eſtant vn iour en mauuais meſnage auec Iupiter, ſe retira en l’iſle de Negrepont, laquelle ne
pouuãt
par aucun moyen appaiſer ny r’entrer en ſes bonnes graces, il s’en alla trouuer Cytheron, Roy des Plateens, le plus ruſé & le plus accort qui fuſt de ce
tẽps
-là. Par ſon conſeil & aduis Iupiter fit vne image de bois, qu’il habilla magnifiquement, & la mit ſur vn chariot, faiſant courir le bruit qu’il vouloit eſpouſer Platee, fille d’Aſope. Teſmoignage de la ialouſie de Iunon.Ce qu’entendant Iunon, de ialouſie qu’elle eut, elle s’en vint à ce chariot, & deſchirant auec colere les habillemens de cette idole, connut la fourbe, & ſe prenant à rire fit ſon appointement auec Iupiter. C’eſt ce que conte Dorothee au 2. de ſes contes fabuleux. Les Anciens l’appelloient Preſidente des nopces & des mariages : teſmoin Virgile au 4. de l’Æneide :
Et ſur tous à Iunon, qui ſoigne l’attelage Des liens coniugaux & du ſaint mariage.
Et pour ce regard elle fut ſurnommee Nopciere, comme dit le meſme Poëte :
La Nopciere Iunon, & la terre premiere Pour donner le ſignal.—
Et Ouide en l’epiſtre de Phyllis :
Et Iunon preſidant ſur les licts Nuptiaux.
C’eſt pour ce ſubiect que quelques-vns l’ont pourtraicte debout & veſtuë, tenant des teſtes de pauot à la main, auec vn joug à ſes pieds, ſignifiants par le joug que le mary & la femme doiuent demeurer ioincts enſemble : & par les teſtes de pauot, leur lignee qui foiſonne par-apres en grand nombre, Ceux de Lanuuium l’adoroient ſous le ſurnom de Sopite, c’eſt à dire Sauuereſſe, affublants ſon image d’vne peau de Cheure, & l’equippans d’vne pique & d’vne targe. La Iunon d’Argos eſtoit
enuirõnee de rameaux de vigne, & auoit ſous les pieds vne peau de Lyon, comme meſpriſant ceux-là en deſdain de Bacchus,