& ceſte-cy en haine de Hercule. Car elle haïſſoit également, & Bacchus & Hercule, comme maraſtre de tous les deux. Vne medalle de l’Empereur Nerua monſtre vne matrone couronnee de rayons, ſeant en vn ſiege haut eſleué, tenant de la main gauche vn ſceptre, & de la droicte des ciſeaux. Suidas en donne cette raiſon : que comme l’air ſignifié par Iunon purge & nettoye : ainſi les cheueux & le poil couppez auec des forces, rendent les corps polis & nets. Pluſieurs ont creu cette image eſtre de Iunon. Mais la deuiſe & l’inſcription d’alentour la diſent
la fortune du peuple Romain
.
Hercule allaicté & faict immortel par Iunon.On dit que Iunon allaicta Hercule enfant, afin qu’il obtint immortalité, Pallas le luy ayant pour cet effect apporté. Item que Iupiter approcha vn iour Hercule enfant, de la mammelle de Iunon ainſi qu’elle dormoit, laquelle le repouſſant à ſon reſueil, vne partie du laict qui cheut parmy le ciel, traca cette ligne ou voye qu’on appelle
Voye laictee
, & celle qui tumba ſur la terre fit deuenir les fleurs de Lis blanches, qui
auparauãt
eſtoient ſafranees. Cette voye (ou cercle) laictee
commence du paralelle du Pole Artique, & arriue au parallele du Pole Antartique, qui ſont les Poles du monde : diſtinguee & ornee de pluſieurs Eſtoilles grandes & petites. Quant à la blancheur de ce cercle, les Aſtrologues & Naturaliſtes n’ont iamais bien determiné d’où elle procede. Elle eut trois places, entre autres, où elle eſtoit fort religieuſement ſeruie, leſquelles elle dit au 4. de l’Iliade d’Homere luy eſtre merueilleuſement agreables :
I’ay trois villes à moy, Sparte, Argos &Mycene, Que i’ay touſiours aymé d’amitie ſouveraine.
Iunon eſtoit en grande deuotion adoree en pluſieurs endroits, mais principalement en Elide, comme dit Pauſanias és Eliaques, ou Ieux Iunoniens.ſeize Dames ordonnoient des ieux & prix de cinq en cinq ans, qu’on appelloit Iunoniens, & diuiſans les filles par bandes, ſelon leur aage, leur propoſoient la iouſte de la courſe. Les plus ieunes filles entroient en lice les premieres : puis apres les plus auancees en aage : & pour la fin les plus aagees de toutes, leſquelles alloient auſſi courir aux iouſtes Olympiques, mais on leur donnoit vne plus courte lice ou carriere qu’aux hommes. Il y auoit à Lacedemone vn Temple dedié à Iunon Hypercherienne, baſty par le commandement de l’Oracle, lors que la riuiere d’Eurotas ſe deſborda par le pays. Iunon eſtoit auſſi nommee Nenus, à laquelle les Dames ſouloient faire des vœux pour le mariage de leurs filles, comme à celle qui en auoit la charge & commiſſion. Elle eſtoit encore adoree à Crotone, ville d’Italie, de plaiſante ſituation ſous le nom de Lacinie, comme teſmoigne Denys au liure de la ſituation du
mõde
, diſant que ſur le bort de la riuiere d’Aiſare y auoit vn Temple haut eſleué, dedié à Iunon. Les Anciens la tenans pour Royne des Dieux, la pourtraoient auec vn ſceptre &