Pour enſemble employer voſtre diuin pouuoir, Taſchans ma Majeſté de ſon throne mouuoir. Pauures ! vous aurez beau trauailler voſtre peine : Ie rendray d’un ſouffler vne entrepriſe vaine. Mais ſi mon plaiſir eſt au Ciel vous eſleuer, Ie l’executeray ſans en rien me greuer : Voire ie tireray par vne meſme charge, Sans peine, auecque vous la terre & la mer large. Cela faict, puis apres i’attacheray d’vn bout La chaine au haut duciel, et ſouſpendray le tout, A celle-fin de faire à chacun mieux pareſtre, Que des hommes et des Dieux ie ſuis ſouverain Maiſtre.
En fin à la requeſte, ou pluſtoſt importunité de tous les Dieux, notamment de Neptun, qui luy conſeilla de demander Pallas en mariage, il remit ſa mere en liberté. Par telles ambages & diſcours, les Poëtes ont voulu declarer l’ordre & la ſuite des choſes naturelles : & ſous ces couuertures de Fables ils ont caché tantoſt la ſcience & les preceptes des choſes naturelles, tantoſt leurs forces & principes, & tantoſt le moyen de bien dreſſer la vie humaine ; leſquelles choſes ne pouuoient eſtre entenduës que par les plus ſages, ou par ceux à qui ils en donnoient l’intelligence. Quant à ce que Iunon fut ainſi penduë en l’air, & que les autres Dieux ne peurent debouter Iupiter de ſon throne, nous monſtrerons tantoſt que ſignifie cela. Les Anciens aſſignerent à Iunon quatorge Nymphes, qui eſtoient touſiours preſtes à ſon ſeruice, comme dit Virgile au 1. de l’Æneide :
Quatorze Nymphes i’ay d’vne taille accomplie.
Voyez liure 8.
ch.
20.Mais ſur toutes elle ſe ſeruoit fort d’Iris, ſa courriere ordinaire. Paon pourquoy
cõſacré
à Iunon.Le Paon eſtoit conſacré à cette Deeſſe, d’autant que pour l’amour d’elle Mercure occit Argus, mué depuis en cet oyſeau, comme dit Theodore en ſa Metamorphoſe, lors que par le commandement de Iunon il gardoit lo. C’eſt pourquoy les Anciens ont feint que ſon carroſſe fut tiré par des Paons, comme le monſtre Ouide au 2. de ſes Metamorphoſes :
Iunon deſſus ſon char que les Paons par le vuide
Trauerſent bigarrez, remonte au Ciel liquide.
Pour cette cauſe entre autres choſes memorables qu’on voyoit en ce Temple de Iunon en la plaine d’Eubœe, l’Empereur Hadrian y dedia vn Paon d’or, enrichy de perles & Pierres precieuſes de grand’valeur, auec vne Couronne d’or, & vn Palletoc de pourpre, où eſtoient pourtraites en broderie les nopces d’Hercule & de Hebé. Surnoms de Iunon.On a donné pluſieurs ſurnoms à la Deeſſe, ou ſelon les lieux eſquels elle eſtoit adoree ; ou de ceux qui luy auoient dedié quelque Temple ; ou ſelon l’euenement & la rencontre des choſes ſuruenans, ou autres tels