155ſubiects, comme de ſa charge & deuoir tendant à pouruoir de maris les filles, & ſoulager les douleurs & trenchees des femmes en leurs accouchemens, elle fut nomme Nopciere & Lucine : & Bellone (ſurnom auſſi de Pallas & d’Enyo) pour eſtre commiſe ſur le faict des armes & exploits guerriers : & des lieux eſquels on l’inuoquoit principallement, Argiue & Samienne. Et parce qu’Hercule luy auoit ſacrifié vne Cheure, elle fut qualifiee Ægophage, c’eſt à dire, Mange-cheure ; à laquelle les Lacedemoniens ſouloient offrir vne Cheure ſous tel ſurnom. En ſomme chacun ſelon ſon appetit, & ſuiuant la deuotion qu’il auoit à ſes Dieux, leur donnoit tel ſurnom que bon luy ſembloit.
¶Expoſition phyſique de la fable de Iunon.Voila ce que les Anciens nous ont laiſſé en leurs Fables touchant Iunon. Expoſons maintenant ce qu’ils ont compris ſous icelles. Nous auons dict cy-deſſus au traicté de Iupiter, diſcourant de la generation des élemens, pourquoy elle fut fille de Saturne. Iunon priſe pour l’element de l’air.On la prend communément pour l’élement de l’air. Auſſi ſe vante-elle dans Virgile au 4. de l’Æneide, d’auoir moyen d’eſmouuoir & d’enuoyer la pluye, & la greſſe, & ſuſciter le tonnerre :
Vn orage noircy ſur eux ie verſeray, Et la greſle d’en-baut y peſle-meſleray, En faiſant que le ciel d’un eſclatant tonnerre Troublé dans l’antre-creux l’vn & l’autre ſe ſerre.
La raiſon eſt, que quand Iupiter s’eſt eſchauffé de l’amour de Iunon, & qu’il l’embraſſe, toutes ſortes d’herbes & fruits viennent à pouſſer : car l’air s’il n’eſt eſmeu par la chaleur des corps celeſtes, ne peut rien engendrer, comme le monſtre Homere au 14. de l’Iliade :
Ainſi dit, & ſa femme il s’en vint embraſſer, Sous eux la Terre-mere vn Prim-temps renouuelle ; Elle produit mainte herbe, & mainte fleur nouuelle.
Et d’autant que l’air eſt celuy par le moyen duquel non ſeulement nous reſpirons, viuons & voyons, mais auſſi qui ſecrettement nous donne au ſang vne force naturelle, qui fait que nous apprehendons les dangers, ou bien nous nous y fourrons auec hardieſſe & courage. Iunon pourquoy
cõmiſe
ſur la Peur & Hardieſſe.Voyla pourquoy les Anciens ont creu que Iunon euſt puiſſance & commandement ſur la Peur & Hardieſſe ; teſmoin Orphee és Argo-Nochers.
Iunon la blanche-bras leur eſtonne le cœur D’vn panthelant effroy, d’vne tremblante peur.
On tient, qu’elle naſquit & fut nourrie en l’Iſle de Samos, pource que l’air y eſt ſain tout ce qui ſe peut. Elle eut les Heures pour nourrices, d’autant que les élemens ſe ſuccedent ſi bien l’vn à l’autre, que ſans ceſſe & à toutes heures ils ſe corrompent par parties, & ſe renouuellent auſſi. Que ſi cela n’eſtoit, l’élement de l’air periroit du tout, veu