force des corps ætherez & celeſtes diuinement conioincts & accouplez enſemble. Pourquoi bleſſee par Hercule.Hercule la bleſſa, parce qu’ordinairement la fortune ſe montre ennemie mortelle de vertu ; ioint que les Aſtres ne conioignent que peu ſouuent l’un & l’autre en natiuité de quelqu’vn. Pourquoy ſeruie de tant de Nimphes.Tant de Nymphes au ſeruice de Iunon, que ſignifient elles, ſinon tant de diuers euenemens que nous voyons és changemens de l’air ? Qualitez du Paon dedié à Iunon.Le Paon luy eſt dedié, parce que c’eſt vn animal fier, ambitieux, & qui iuche haut, comme d’vn temperamment aëré, bigarré de plulieurs couleurs, & qui a vne infinité d’yeux : pourautant que ceux-là ſont ſuperbes, ambitieux, altïers, aſpirans à choſes hautes, qui la tiennent pour Deeſſe gardienne des richeſſes, qui ſont contraints d’employer & faire la cour à beaucoup de perſonnes pour la garde & conſeruation de leurs moyens, Si n’a-il pas tout le corps ainſi bigarré : ains en a vne partie aſſez laide ; pource qu’on ne void rien qui ſoit en tout & par tout heureux, qui ne ſoit trauerſé de quelque aduerſité. Et ces diuerſitez de couleurs que ſignifient-elles, ſinon les pertes de biens & commoditez, les trauerſes & les reuolutions des accidens, les embuſches des ennemis, la mort & les afflictions des amis ? toutes leſquelles choſes bourrellent eſtrangement l’ame de ceux que les autres eſtiment heureux. Pauſanias en l’eſtat d’Attique eſcrit, que cette Deeſſe auoit vn Temple ſur le chemin de Phalere à Athenes, qui n’eſtoit ny fermé ny couuert. Ce qui ne monſtre autre choſe ſinon que cette Deeſſe ne ſe doit enfermer en aucun lieu, puiſque c’eſt par ſon moyen que nous reſpirons & viuons, entant qu’elle repreſente l’air. Voilà ce qui ſe peut rapporter à la raiſon naturelle touchant les contes que les Anciens ont faict de Iunon. Voyons ce que nous en pourrons accommoder à la moralité.
¶
Expoſitiõ
morale de la fable de Iunon.Quant à la chaine d’or, & que tous les Dieux ne peurent ietter Iupiter hors du Ciel, ie croy qu’elle denote quelquesfois l’auarice, quelquesfois l’ambition, laquelle, quoy que tres-puiſſante, quoy qu’elle ait fait quitter à beaucoup de gens la vraye Religion de Dieu, pour ſuiure des fauſſes doctrines, & ait introduit vne infinité de ſectes de fauſſes religions, ſe deſuoyans de noſtre Seigneur Ieſus-Chriſt, ſeul verittable, fils eternel de Dieu, & ſa ſouueraine ſageſſe : ſi ne pourra elle iamais ietter hors quelque temps que ce ſoit, laquelle perſiſtera à iamais, & tiendra bon à l’encontre de toutes aduerſitez, ſans eſtre aucunement eſbranlee. Car celuy qui eſt verittablement homme de bien, ne ſe laiſſe emporter, ny à l’auarice ny a l’ambition. Et pourtant vn chacun ſe doit examiner ſoy-meſme, s’il ſe peut à bons tiltres dire homme de bien, veu qu’elles ſont
cõme
pierres de touche, eſprouuans l’eſprit & naturel de tous
hõmes
. Ainſi doncques, ny Iupiter, le prenant en matiere ciuile pour la loy, ny la loy de Ieſus-Chriſt, qui eſt l’ame