par experience qu’il ne ſe faut aucunement fier à cet element. Car du temps que la memoire d’Arno nourrice de Neptun eſtoit encore fraiſche parmy les Anciens, on ne voyoit point ſi grand quantité de vaiſſeaux faiſans voile voire par maniere de dire importunans la mer ; & comme dit Lucrece au 6. liure :
Les flots tourbillonnans de la plaine ſalee Ne faiſoient eſchouër encontre les rochers D’vn naufrage eſperdu les demi-morts Nachers. Lors la mer flo-flottant d’vne ire vagabonde N’abandonnoit les nefs à la mercy de l’onde. Elle auoit außi-toſt appaiſé ſon courroux. Neptune ne pouuoit, tant fuſt-il calme & doux, Tirer au gre des eaux nulle nef trauerſiere
Pour tracer ſur ſon dos vne viſte carriere.
Car que peut-on dire de la mer auec plus de verité, ſinon qu’il n’y a point d’arreſt, point d’aſſeurance en elle ? puis que pour peu de vent qui ſe leue, il ſuruient vne groſſe tourmente, qu’il ſemble que les flots courroucez auec menaces ſe bander contre le Ciel, & leur incroyable bruit & fremiſſement ſe fait ouyr iuſques aux montagnes bien loingtaines. Raiſon du ſacrifice de Neptun.On ſacrifioit à bons tiltres vn Taureau noir à ce Dieu, d’autant que la mer imite la fureur & le meuglement du Taureau. Que c’eſt qu’Amphitrite.Sa femme eſtoit Amphitrite, qui n’eſt autre choſe que l’eau meſme, comme teſmoigne Eurypide au Cyclope :
Encor que rien ie ne voye, Ie paſſe ce gay brauement Et trauerſe remply de joye Amphitrite fort ſeurement.
Orphee és Argonautiques l’appelle, bleue, verte, poiſſonneuſe & immenſe, qui ſont effects de la mer, non pas qualitez propres à aucune Deeſſe. Elle doncques n’eſtant autre choſe que l’eau, eſt dicte femme de Neptun, qui eſt (comme nous diſions n’agueres) l’eſprit eſpandu par tout le corps de la mer, & par maniere de dire l’ame de l’element de l’eau. Car l’amphitrite eſt le corps & la matiere de toute l’humeur qui eſt ou autour de la terre, ou encloſe dedans. Ceux qui nous contens que par l’entremiſe du Dauphin Amphitrite
cõſentit
à l’amour de Neptun, n’ont voulu donner à entendre autre choſe, ſinon que Qualitez du Dauphin.le Dauphin ſurpaſſe tous autres poiſſons de maree en induſtrie & connoiſſance, & en viſteſſe de corps ; au lieu que les autres animaux marins ſont hebetez, & preſque ſtupides, qui s’enfoncent plus auant en l’eau, pour eſtre d’vne qualité plus abondante en humeur que le Soleil ne peut digerer : de façon qu’il y en a entre-eux deſquels on doute s’ils meritent d’eſtre appellez animaux. Peut-eſtre toutes-fois que telles perſonnes pour l’amour deſquelles tout cecy fut feint, ont