eſté ainſi nommees, de maniere qu’on le peut auſſi bien accommoder aux choſes naturelles & morales. Mais pourquoy luy donne-t’on ſi grande quantité d’enfans, tant legitimes qu’adulterins ? Venus eſt par les Poëtes appellee Haligene, c’eſt à dire, engendree de la mer, & les Dieux marins ſont touſiours par eux introduits autheurs d’vne tres-plantureuſe lignee, à cauſe que le ſel par ſa chaleur & acrimonie
mordicante prouocque à luxure, tellement qu’on auance la portee des chiennes leur faiſant manger des ſaleures, & les vaiſſeaux chargez de ſel ſont bien plus ſubiects que les autres à engendrer des rats & ſouris ; dans leſquels les femelles s’empreignent à force de lecher le ſel : pour cette cauſe les Egyptiens, gens fort religieux & d’vne tres-ſeuere regle, s’abſtenoient entierement de l’vſage du ſel,
cõme
par trop excitatif de volupté & concupiſcence. La forme que les Poëtes donnent à Neptun, qu’eſt-ce autre choſe que la nature ou couleur de la mer ? car qui ne ſçait que la couleur bleuë ou perſe, eſt celle de l’eau marine ? Derechef, Neptun repreſenté nud ne ſignifie autre choſe que la nature des eaux douces. Car les eaux qui n’ont point de couleur ou qualité apparente, ſont les plus ſaines. Quant au Trident que Neptun porte en guiſe de ſceptre, il monſtre ſa triple puiſſance, c’eſt à ſçauoir qu’il a moyen d’eſmouuoir, de calmer, & de conſeruer la mer. D’autres ayment mieux dire que cela a eſté feint, d’autant qu’il commande ſur les eaux douces, ſalees & moyennes, telles que ſont celles des lacs & des eſtangs. Premier inuenteur de cheualerie.On dit qu’il trouua le premier l’vſage du Cheual, & l’art de Cheualerie, parce qu’vn certain perſonnage nommé Neptun, Theſſalien de nation, en fut le premier autheur, il y en a toutesfois qui rapportent cette inuention à la nauigation, d’autant qu’il ſemble que les nauires, par maniere de dire, aillent à cheual ſur le dos de la mer. Charité de Neptun & ſa ſuitte.Il eſt porté ſur l’onde en vn chariot ; ſuiuy & accompagné de Tritons & monſtres marins, pource que durant la tourmente, les ondes & flots bruyans d’vne eſtrange facon, heurtans & chocquans le vaiſſeau l’emporterent comme s’il eſtoit monté ſur des rouës. Cela ſe prouue par le teſmoignage de Plutarque, qui en la vie de Themiſtocle eſcrit, que Contention des trois Dieux expoſee.le conte de la contention de Pallas & de Neptun pour la nomination de la ville d’Athenes, procede de ce que Neptun fit preſent d’vn Cheual, & Minerue de l’Oliuier : & ſelon la valeur & precellence du preſent, le pays fut adiugé, d’autant que
taſchans (comme l’on dit) de deſtourner leurs citoyens d’entreprendre des voyages ſur mer et les accouſtumer à viure ſans nauiger, afin qu’ils s’addonnaſſent à planter force arbres, ils firent courir ce bruit touchant Pallas, que debattant auec Neptun pour la dedicace du pays, elle preſentant vn Oliuier aux Iuges, emporta la victoire.
Si donc Neptun en cette contention donna vn Cheual, & ſi l’on ne prend le Cheual pour vn nauire, comment eſt-ce qu’ils vouloient