Fable d’Hippolyte expliquee.re Phedre de l’auoir priee d’amour : cependant Neptun exauce la priere de Theſee. Quelle meſchanceté eſt-ce là, bon Dieu ! accorder à ſes plus chers amis ce qui leur doit à iamais eſtre dommageable & ennuieux ? Car Neptun enuoye des veaux marins
cõtre
les Cheuaux d’Hippolyte, tirant vers la mer, qui prenans la fuitte le deſchirent en pieces. Auquel Hippolyte Diomede dedia depuis vn tres-plaiſant boſcage auec vn temple & vne image faite à l’antique, & luy ſacrifia le premier de tous, comme dit Pauſanias en l’Eſtat de Corinthe. A Trœzene les filles ſe couppoient les cheueux deuant leurs nopces, & les luy voüoient. Les Anciens doncques par ces diſcours embroüillez nous ont voulu exhorter d’eſtre patiens, & ne nous point eſtonner ſi quelquefois Dieu fait la ſourde-oreille quand nous l’inuoquons, d’autant que le plus ſouuent les hommes ignorans demandent ce qui leur eſt nuiſible, & qui leur tourneroit à tres-grand dommage & nuiſance s’ils l’obtenoient. Et pourtant vn ancien a ſagement dict :
Que nul homme viuant aux ſouhaits ne s’arreſte. Donnons aux Dieux loiſir d’eſplucher la requeſte Que nous leur preſentons : ſi nous auons beſoing De conſeil ou d’auis, ils auront bien le ſoing De nous fournir à temps ce qui nous eſt vtile.
Or que tout cecy ait eſté mis en auant à cette intention ſeulement, il appert de ce qu’ils font Neptun le plus mal-auiſé & plus cruel de tout le monde. Car comment peut eſtre homme de bien celuy qui iuge vne cauſe dont il n’a connoiſſance ? ou qui à l’appetit de ſes amis faict mourir ou condamne vn innocent, vn homme de bien, chaſte, & temperé ; comment ne ſera-il pas meſchant & deteſttable ? Ce ne fut donc pas vn Dieu ſage que Neptun, non-pas meſme bon ny iuſte, s’il accorda vne ſi deſraiſonnable & inique requeſte à ſon fils Theſee ; ce qu’il ne faut aucunement eſtimer de Dieu, puiſque toutes ces fictions n’ont eſté inuentees que pour ſeruir d’inſtruction. Quelques-vns
cuident que l’Empire marin fut donné à Neptun ; d’autant qu’il fut le premier qui fit voile, Neptun Admiral de Saturne.& que Saturne le fit Admiral ſur toute la mer qui eſtoit en ſon obeyſſance, ce qui donna lieu à la Fable. Mais c’eſt aſſez diſcouru de Neptun : paſſons à Pluton.