De Plute.
CHAPITRE XI.
Parenté de Plute.LES Anciens ont penſé que Pluton fuſt la force & nature de la terre, combien que quelques-vns d’entre eux luy ayent auſſi donné l’Empire des richeſſes : mais il n’y a perſonne qui ne ſçache bien que la charge de les departir a eſté d’vn commun conſentement donnee à Plute, lequel Heſiode en ſa Theogonie dit eſtre né de Cerés & de Iaſion. Il ſemble que Theocrite en ſa 3. Eclogue vueille dire que Cerés deuint amoureuſe de Iaſion ainſi comme il dormoit, puis qu’il le met au nombre de ceux qui dormans furent aymez des Deeſſes :
Ie me voudrois bien voir ainſi qu’Endymion Aſſommé de ſommeil, & comme Iaſion.
Plute aueugle, & pourquoy.Ils diſent que ce Dieu fut aueugle, & tel l’introduit Ariſtophane en aueugle, ſa comœdie, & que Iupiter l’aueugla par enuie ; au lieu que lors qu’il & pouruoy. auoit bonne veuë il ne ſe
cõmuniquoit
qu’aux gens de bien, & beaucoup de meſchans garçons mouroient de faim, & d’indigence,
cõme
il l’introduit parlant ainſi :
Iupiter m’a ainſi accommodé, d’enuie qu’il porte aux hommes. Car quand i’eſtois ieune garçon ie le menacay de m’en aller aux iuſtes, ſages & modeſtes ſeulement. Pour cette cauſe il me fit aveugle, afin que ie ne peuſſe plus dicerner pas vn de ceux-là ; tant il eſt enuieux des gens de bien.
Ils le font auſſi le plus timide de tous les Dieux, teſmoin Euripide és Phœniciennes. Et pourtant à cecy ſe peut rapporter ce que bien gentiment dit le Poëte :
Si tu vas nuitamment, & rencontre vne perche Tu penſes que ce ſoit l’ennemy qui te cherche. Si tu ſens craqueter ſeulement vn roſeau, Tu cuide auoir deſia le col ſous le coutteau. Le pauure ſouffreteux auec toute aſſeurance, Deuant meſme vn voleur, il chante, il rit, il dance.